کد خبر: ۸۸۳۹۹
۷۰۶ بازدید
۲۶ دیدگاه

حسین صبا کیم دی؟ موغام مسابقه سی نه دی؟

۹۸/۱/۲۹
۲۰:۴۴

بو گونلر بین الخلق موغام مسابقه سینده، حسین صبایا آدلانان بیر ایران آذربایجانلیسین خئیلی ائشیدیریک. یئری وار حسین صبانی و موغام مسابقه لرین آرتیغراق تانییاق.

موغام موسیقیسی، یالنیز آذربایجانجا یوخ، بلکه فارسجادا و عربجه ده، مُقام موسیقی سینه آدلانان بیر گئنیشلی موسیقی دی و بو دیللر و کولتورلر آراسیندا چوخ اشتراکلار وار دی. قرآن قرائتینده یا عرب موسیقیسینده، نئجه کی بایات اوخونور، فارسجادا و آذربایجانجادا بایات موسیقیسی اوخونور البته فرقلی دیلر آمما دینله ین و ائشیدن بو دیللری باش تاپماسادا، بیلر کی ایندی ماهور یا سه گاه اوخونور. بو یاخین کولتورلر ده، بیر بیرینه چوخلو بورجلار دا وئرمیشلر. اؤرنک ایچون بیزیم تورک بایاتیمیز یا قاراباغ شکسته میز فارسجایا گئدیب و عربجه دن حجاز و عراق، فارس موسیقی سینه یول تاپیب. بیزده فارس موسیقی سیندن (آدین قویاق ایران موسیقیسی) کورد بایاتین آلمیشیق و بو آلیش ـ وئریشده، بوتون دیللرین موسیقیسی آغیرلانیب و زنگینله شیب دی.

موغام موسیقیسیده سازین پرده سی یا بارماق دوتان پرده لر ایله چئشیدلی سسلر یارانیر. بونلارا بیز دستگاه دئییریک نئجه کی فارسجادا دست، ال معناسیندا و گاه، یئر آنلامیندا دی و دستگاه ، ال دوتولان یئره و پرده لر دوتولان یئرلره دئمه لییک. بو دستگاهلار ایران موسیقیسینده 12 موغام و آذربایجاندا 13 موغاما بؤلونور و راست، ماهور، قاجار بایاتی، شور، سه گاه، همایون و باشقا آدلارا آدلانیر. دستگاهلارین هره سی نئچه گوشه یه بؤلونور و اونون شاکیله سی تیکیلیر. میثال اوچون ایران موسیقیسینده ماهور دستگاهیندا گوشه لرین آدینا باخساق گؤره ریک نه قدر یان قونشولاردان و یاخین کولتورلردن تأثیر آلمیشیق: راک هندی، آذربایجانی، عراق، راک کشمیر، ساقی نامه، کرشمه و ... .

باکی دا قورولان موغام مسابقه سی 2005 ینجی ایلدن، آذربایجانین گؤرکملی گؤزل بسته کاری اوزه ییر حاجی بی لی نین 120 ینجی آنادان دوغولماسی ایچون کئچیریلدی. اوندان بئله ایکی ایلدن بیر، 2007 ده، 2009، 2011، 2013، 2015، 2017 ایللرینده کئچیریلدی و بو مسابقه لرده بؤیوک موغامچی لار آذربایجان موسیقیسینه تانیتدیریلدی کی بیری 10 یاشیندا نابغه، علم الدین ابراهیموو ایدی.

2019ـ ونجو ایلین مسابقه سینده 500 اوخوجو بو مسابقه یه آیاق قویدو و داورلر بونلارین آراسیندان 60 اوخوجو و ایکینجی کره، 20 اوخوجو سئچدیلر کی بو 20 اوخوجو اصلی مسابقه یه آیاق قویدولار. بو آغیر ماراتون دا، مسابقه نین باشلاییشینا آیاق قویان اوخوجو دا بؤیوک فخر قازانیر نیه کی بو ایکی ایلده 20 اوخوجودان بیری تانینیر حتی ایلک مرحله ده حذف اولونسا.

2019 ونجو ایلین موغام مسابقه لرینده 500 اوخوجودان 60 ی و 60دان 20 سی سئچیلیب و فخر ایله: ایکی ایرانلی بیری اردبیلدن و بیری میانادان بو مسابقه یه یول تاپدیلار. اردبیللی بهنام علایی اوچونجو مرحله ده حذف اولوب آمما میانالی حسین صبا 6 مرحله نی سوووب و 7 ینجی مرحله یه آیاق قویوبدو.

آمما حسین صبا کیمدی؟

حسین صبادان اؤنجه گرکدیر اونون آتاسین تانیمالی. حسین ین آتاسی اؤزوندن شؤهرتلی دی. هوشنگ صبا میانانین آدلیم شاعیرلریندن تانینیر کی ایللر بویو اونون شعرلری، درگیلرده و کیتابلاردا یاییلیب کی بیریسی رحمتلیک اوستاد یحیی شیدانین "ادبیات اوجاغی" کیتابی دی. نئجه کی درین دویغولو و درین فیکیرلی شعرینده سؤیلور:

هر شاعر دلداده صبا شاعر اولانماز    شاعر دئییلن اصلیده انسان گرک اولسون

یا باشقا بیر غزلده نه گؤزل شعر یارادیر:

وئرمه رم بیر تار مویون ای گؤزل! دنیایه من    اولموشام مجنون عشقین دوشموشم صحرایه من

...

من صبا یم، سؤزلریم یانمیش اورکلر دردی دیر    قویموشام عشقین یولوندا عؤمرومو سرمایه من

هوشنگ صبا 68 ایل بوندان قاباق، میانا شهرینده دونیایا گؤز آچدی. صبا میانانین قدیمی معلم لریندن تانینیر کی 30 ایل مدرسه لرده میانانین اوشاقلارین تربیت قیلیب. اوشاقلیغیندا مدرسه لرده و برنامه لرده جاز و تنبک چالاردی و رحمتلیک بهرام سارنگ (آزیمکان) ایله سرود گروپوندایمیش. صبا موسیقیدن آرتیق، تئاتردا دا چالیشقان گنج ایمیش و نئچه شهرلره ایفا یا مسابقه ایچون گئتمیش دی کی اونلاردان سایماق اولار: دومانلی یول، نازنین و اون دان آرتیق باشقا تئاترلار.

ایندی حسین صبایا چاتمالییق کی حسین ین ایلک معلمی همین فخرلی آتا ایمیش. بو آتا موسیقی ده اوغلون تربیت قیلیب سونرا آرتیق اؤیرنمک ایچون اونو تبریزه و باکی یا گؤنده ریر نیه کی میانادا آذربایجان موغام موسیقیسی گوجسوز ایدی.

حسین 31 ایل بوندان قاباق، میانا شهرینده آنادان اولوب، آواز و قاوال و تنبکی آتاسیندان اؤیرندی. تبریزده موغام موسیقیسین اوستاد ملکی زاده نین مکتبینده اؤیره نیب و آرتیق اؤیرنمک ایچون ایکی ایل آراسیندا باکی دا اوستاد منصوم ابراهیموو و طیار بایراموون مکتبینده موغام موسیقیسین بیتیریب و ایندی موسیقی مهدینده 20-30 ایل چالیشان موسیقی اؤیرنجی لرله آیاق ـ آیاق رقابت ائدیر و هر هفته باش اوجالی چوخ یوخاری نمره ایله باشقا مرحله یه آیاق قویور.

آرزیمیز بو دور حسین صبانی سون مرحله ده گؤرک نئجه کی اؤنجه تبریزلی ناصر عطاپور آدلی اوخوجو بو مسابقه لرده اوچونجو سئچیلدی. حسین صبانین حضورو بو مسابقه ده، مینلر ایرانلینی، آذربایجاندا، اردبیلده، همداندا، زنجاندا، تهراندا و باشقا بؤلکه لرده بو مسابقه نین باخماغینا و ایزله مه یینه چکیر. حسینه باش ساغلیغی آرزیلیریق.

کانال تلگرامی صدای میانه اشتراک‌گذاری مستقیم این مطلب در تلگرام

نظر شما

۹۸/۲/۲ ۲۱:۴۶

دموخراسی فعلا گِدیب مَحاقا

۹۸/۲/۲ ۱۱:۲۸

میانا چوخ دا قشه یردی میانادا چوخ عالیم اینسانلار یاشیر فقط سن بیلمیسن بیر ازاد مملکتده گرح هر کیمه دوزه سن بونا دیر دموکراسی

۹۸/۲/۲ ۰۷:۵۱

با عرض سلام . با توجه به پست هاي منفي بايد واقعا نا اميد شد از اين شهرستان ميانه چون شخصي كه اين هنرمنده با وجود را قبول ندارن و ارزشي قائل نيستند پس به هيچكدوم از همشهريان احترام و ارزش نخواهند گذاشت.
قرار نيست همه مخترع بشن اگه قرار بود همه مخترع بشن پس در زمينه هاي ديگه بايد چيكار ميكرديم . اون شخص نخبه تو زمينه اي خودش عالي هستش و اين مويسقي دان تو زمينه اي خودش نخبه هستش پس نبايد به رشته و عمل كرد كسي توهين كرد.
بلخره برا مياناده داي...حیف

۹۸/۲/۱ ۲۱:۱۲

نیه گره بیجور انسانناربیزیم شهریمیزده گوزه گلمیلر.

۹۸/۱/۳۱ ۲۱:۱۴

منی موسیقیله دفن ایله سه لر واحد اگر قبریمین توپراغی مین روضه رضوان دیر

۹۸/۱/۳۱ ۱۷:۲۷

بطور متوازن مسائل سیاسی اقتصادی اجتماعی و فرهنگیوعلمی را منعکس نمی کنید شاید سلیقه تان اینطوری است رسانه تان بیشتر در اختیار نهادهای دولتی است

۹۸/۱/۳۱ ۱۷:۲۰

ایشان مع الاسف این راه را رفته. شما از عمر چند دهه تان چه بهره ای به بشریت رسانده اید. لطفا بفرمایید حتی در پستوی بی نامی.

۹۸/۱/۳۱ ۱۷:۱۹

یعنی می فرمایید تمام هنرها, ورزش ها و حتی علوم نظری تا اطلاع ثانوی تعطیل شوند و همه سراغ کشفیات و اختراعات بروند؟ برفرض که همه کاشف و مخترع شوند, وقتی شعور و ادب و فرهنگ در جامعه بشری وجود نداشته باشد آن جامعه رو به خشونت و سو به قتل و غارت خواهد رفت. 

۹۸/۱/۳۱ ۱۶:۳۶

خب فرض کنیم نفر اول شد! اصلا نفر اول دنیا شد! چه دردی از بشریت درمان میشه؟ الان کار ایشان با ارزشه یا کاشف پنی سیلین؟ یا کسی که داره ایدز رو درمان میکنه؟

۹۸/۱/۳۱ ۱۵:۴۴

بهترین غذای روح موسیقی هست ؛؛تجربه ثابت کرده موسیقی بر شیر دهی گاوها و تخم گذاری مرغ ها تاثیر مفیدی دارد ؛ودر عجبم موسیقی در شما اثر نکرده و موسیقی را چیز بی ارزش می پندارید

۹۸/۱/۳۱ ۱۴:۱۷

خوب تو برو این کارو بکن دیگه چرا ازصبح دراز کشیدی به کارهایی که در تخصصت نیست نظر میدی

۹۸/۱/۳۱ ۱۳:۵۸

ساغولون مهندس.مقاله نیز و یازیز چوخ گوزل و دیرلی دی.آنا دیلیمیزده یازیلاردان چوخ قویوز.حسینه ده اوغورلار آرزیلاییرام

۹۸/۱/۳۱ ۱۳:۵۴

مثلا میرفت تو حوزه علمیه و به بشریت خدمت میکرد

۹۸/۱/۳۱ ۱۳:۲۴

چوخ گوزل👏👏 الله قوت ورسین حسین صبا ک اوجالاردا اولسون و بیر تشگرده جناب نائبی ایچین که چوخ زحمت چکلر میانا و ترک دوسلارمزا

۹۸/۱/۳۱ ۱۰:۲۳

کاش این همه زحمت را در راهی می ذاشت که برای بشریت سودی داشته باشه. مثه کار های علمی وت حقیقاتی و خیریه

۹۸/۱/۳۱ ۰۹:۳۱

احسن گوزل یازیلمیشدی. ساغول

۹۸/۱/۳۱ ۰۸:۵۴

چوخ ساغولسنلار ، بتون آذربایجانین وارلیقین سایر وطن داشلارا چاتیریب و آشنا ایلین انسانلاری ، آرتیق استاد مهندس صادق نایئبیه که بو وادیه قلم قویوب وبونوبعده، استاد هوشنگ صبایا که ایلر بویی فرهنگ و هنرمیزدن دفاع ایلیوب و اندیجه اونون خلف اوغلی حسین صبا، دنیایه قدرتلی آذربایجان هنر موسیقی میزی جانانه گوسدریب و یایئر ..

۹۸/۱/۳۰ ۱۹:۵۰

واقعا کیف اله دیم حسین صبا اوخویاندا. باشون اوجالسین

۹۸/۱/۳۰ ۱۳:۳۷

شهریار دئمیشکن: تورکون دیلی تک سئوگیلی ایستک لی دیل اولماز؛ گوزوموز ایشیقلانیر بئله بیر یازی لاری گورن زامان. اللرینیزه ساغلیق.
حسین بگ صبا؛ سنین آغزینا ساغلیق، چوخ وار اول وطن ائولادی. ایللر سونرا مییانامیزین آدین باکی دا سسلندیردین. سنه فخر ائدیریک. غرورلاندیردین بیزی. باشیمیزی اوجالتدین.

۹۸/۱/۳۰ ۱۱:۲۶

موغام مسابقه سینده بیریم فجر موسیقی سی تک, هامی اشتراک ائده بیلر. بیلدیر ایراندا جوان موسیقیسینده 1600 تار چالان اشتراک ائتدی آمما سونوندا بیزیم اشکان نایبی اول اولدو. بورادا 500 اوخوجو اشتراک ائدیب داورلر اونلارین ایفاسین دینله ییب 60 ین سئچدیلر. سونرا او 60 اوخوجودان 20 سین سئچیب اصلی مسابقه یه یول وئردیلر.

۹۸/۱/۳۰ ۱۱:۰۴

انشالله موفق اولسونلار.
بیرسوال: موغام مسابقه سینه ازادشرکت الننریابورداداسچلمه مسابقه سی اولور؟.
هرکسین باشاراغی وچخاری وارگده بیلیر؟
نجه فقط کی نفرباکی موغامیناگوندرلیپ؟

۹۸/۱/۳۰ ۱۰:۳۹

چوخ ممنون آقای نایبی بو ده یرلی مقاله ز چوخ یاخشی بیلگی لر بیزه وئردی. الله سیزی بیزه چوخ گؤرمه سین.

۹۸/۱/۲۹ ۲۳:۱۱

من بیر اذربایجانلی و میانالی اولاراق حوسین صبا ایله بیر شهرده یاشاماقدان غورورلانیرام چوخ ساغولسون جناب نایبی سنونده اللرون اغریماسین

۹۸/۱/۲۹ ۲۲:۲۴

من حسین صبا جنابلارینین بوتون ایفالارین ائشیتمیشم. دوغوردان گؤزل اوخور. انشالله اول اولا

۹۸/۱/۲۹ ۲۲:۲۲

نه شیرین
نه گوزل
مه اورگه یاتان
اوستاد نایبی دوغوردان وار اول بو تورکجه یازماقدا. بیلمیرم نیه سیز تورکجه یازمیرسیز؟ سیزجه بو دیلی بیلن آز دی. حیف دی یارمیاسیز

اخبار روز