باسلام. از مدیریت محترم صدای میانه تقاضا دارم این مطلب را مستقلاً تایید کنند. بنده درخواست کردم که مطلب مربوطه را بالاتر بیآورید ولی نپذیرفتید لااقل این مطلب را که مشاعره شاعران میانه ای است از جانب من تایید کنید.
هفته قبل استاد حیبیب اژدری متخلص به شاهد شعری در سایت درج کردند که چند کامنت آنهم بصورت شعر داشت و بحث جایی رسید که به مناظره ی مشاعره ای رسید که برای من بسیار جالب بود و حیفم آمد این مشاعره را مجدداً مرور نکنیم:
چالگینان "دیلغم"ی آشیق ، غمه چولقان دی کؤنول
اود دوتوب شعله لنیب شــمع کیمی یاندی کؤنول
هانسی عاشق منه اوخشار ؛ دي گؤروم هانسی اورک
سینه ایچره کؤزه ریب من کیمی آلقان دی کؤنول
سئودالانمیش اوره گین بولبولو سینمیش قانادی
اوچماغا یوخدو گوجو ، یئرده ده تولاندی کؤنول
بو قفس دار دی منه هئچ یئره چاتمیر دا سسیم
یوخسا سسسیز دییرم ، سؤیله مه گه جان دی کؤنول
پرده نی دؤندر آشیق ، چال اوخو "یانمیش کرمی"
گؤر نئجه آغلاییرام ، بس کی پریشان دی کؤنول
سئوگیلیم دالدا قالیب من قاچیرام عشقه چاتام
اوره گیم پارچالانیر ، گؤر نئجه شان شان دی کؤنول
"شاهد"ین عؤمرو کئچیب گئتدی ولی حئیف اولا کی
گؤزلری دالدا قالیب ایندی ده حیران دی کؤنول
