شعر علی اصغر

یا علی اصغر چاغوردوم باشلادیم اشعاریمی/باغلادیم قونداقینه سررشته ی افکاریمی/خردا قربان حسیندور بیر بویوک مشکل آچان/چون اوزی باشدان آچوبدی مطلع گفتاریمی/قونداقیندا آغلادی یعنی بابا من قالمیشام/اوندا کی سسلندی مولا یخدلار سرداریمی/یعنی آللاه شاهد اول من خرداجا قربانییم/ایندی تائید اییلیر حال وفا پنداریمی/کربلاده گورمیشم چوخ غم چکوبدور رهبریم/گلمیشم تا اوخ یتورسون صبحه لیل تاریمی/من سوسوزدان آغلامام یوخسا سو بیر نیسگیل دگول/غرق دریای عروجم کیم بیلور افکاریمی/عالم امکان ولا سیز غرق بدبختی اولار/اولمیشم تا گورمییم شاهدان سورا ادباریمی/یوخ داخی بوندان سعادت مقتلیم آغوش عشق/ایستی قانیم قوی قیزیشدورسون جبین یاریمی/هانسی عاشق طالعینده بیر بعله خوشبختیدور/دفن اولام یارین الیینن گیزله ده اسراریمی/دیل یوخییدی باخماغینان بوسوزی حتما ددی/من ولا قربانییم مولا گورور ایثاریمی/یا حسین سوز،آغلادار یازسا قلم....دنیالری/عف ادرسن شاهلوغوننان بو جسارت کاریمی/نام پاک اصغر اولدی زینت ملک کتاب/یوخ که اصلا عزتی تائید ادور اقراریمی.... اسدزاده