دوستلاریم تبریکِ عید ایله سیزه بخت یار اولسون
هر گونوز بایرام اولوب خوشلوغونان بیر باهار اولسون
برکت ، گون به گون آرتسین، شاد اولون هاممیلیغان
سوفره لرده چؤره گوز خالقیمیزا بی شمار اولسون
داغ ـ دره بیرده سولانسین، سو آخیب باغلارا آشسین
باغلاروز خرّم اولوب، میوه لنیب آلما ـ نار اولسون
ساغ اولون، ساغ یاشایین ائل ـ اوبامیزدا
همشه تویلارا آشیق گتیرون، تار ـ سه تار اولسون
بیرده تورکون دیلی قالسین، اوجالانسین گؤیه دک
دانیشیلسین بو جهان ایچره، بیزه افتخار اولسون
سیزه من قوربان اولوم، سیز یاشایین عرشه دایاق
دونیامیز هر نه قده ر وار، او قده ر ائل ده وار اولسون
شاهدین شعری چوخ آلچاق دی ولی سیز اوجادان
سسله نوز بلکه سسوز سئل ـ سو تکین آبشار اولسون
