درد آلیبدور جانیمی، گَل گوءر نه آه و زاردیام
قار دوشوبدور من دئمک، بوزلانمیشام،من قاردیام
پیلله لر دن دوشموشم،قول قیچ داها چکمیر منی
سن بِله فکر ایله کی، من ئولموشم، یا دار دیام
بیر قیچیمدان اود چیخیر باخ بیر قیچیمدا بوزلویوب
خُلق و خویویُم بلغمی، یااینکه زهرِ مار دیام
قوچ قویون تک گیژ قالیب، یاد گیتمیشم بو اولکه ده
ایتمیشم،آختار منی،تاپ،وئرمنه،گوءرهاردیام
قوپ قوری کوشن کیمی،خار و خزانه بنزیرم
من دئییردیم بس بهاردی،گُل واریمدی،باردیام!
چوخ عجیب اوضاع اولوب جغرافییامدا،آی کیشی
بیلمیرم تبریزدیم،شیرازدیام، یا لاردیام
[شاهدی]قبلاً تانیردیم، پیس آدام اولمازدی،او
ایندی حتّی من ئوزومده والّاهی، اِنکاردیام.
شاهد.