سئوینجله ایکینجی اوغلونون دونیایا گؤز آچماسینی قارشیلایان یاخین بیر دوستوم اوشاغینا " آیاز" آدینی سئچدیکده شهریمیزین « ثبت احوال » اداره سینه سیجیلللی آلماق اوچون باش چکیر.اداره مسئوللاری " آیاز" ین الیفینده اولان بؤرکلو " آ " یی سیجیلللیده یازمالارینا ایجازه لری اولمادیقلارینی دئمیش، تبریزدن استئعلام آلینجا دوستومون گؤزله مه سین ایسته میشدیلر.نئچه گون سونرا استعلامین سونوجو اوچون ثبت احوالا مراجعت ائدن یولداشیمی اداره نین رئیسی اؤز یانینا چاغیریر اونا " مملکتیمیزین وضعیتین گؤرورسونوز، یاخشی آد سئچمیشسینیز آنجاق ایندیسه بئله تورکجه آدلارا حساسیت وار و بو آد صاباحلاری اوشاغین مدرسه سینه ، دانیشگاهینا موشکول یارادار.سیز ایمکانی اولسا آیری بیر آد دئیین " آ" اوندا موشکوللو اولماسین، بیزده خدمتینیزده واریق" دئییر.
اوشاغین گله جه یینی تهلیکه ده گؤرن دوستوم تئز " آراز" آدینا راضیلاشیر. کئچمیشده " ائ" حرفینیی تورکجه آدلارین-- اؤرنه یین « ائلملان، ائلین، ائلناز و..»-- اولینده فارسجا ایملا قوراللارینی پوزدوغو اوچون تورکجه آدلاردا یازیلماسینا ایجازه وئرمه ین ثبت احوال، بعضی " آی باکلا "-ی اولان تورکجه آدلارا دا مشکوک اولور یاواش یاواش...