شعری ترکی در رثای شهدای زینبیه

 

 

 

اورگیم گَـرک دولانسین ، پا به پای زینبیه .. .... . یـازا تـا قلـم بـه عشق، شهـدای زینبیه

یازا عشقدن شرفـدن ، ملکوتی بیر هدفدن ....... زَر ائده مس وجـودیم، کیـمیـای زینبیه

شب ظلمت و سـیاهی، یِرینی وئریبدی فجره ..... اونی خُـوشلامیر عَدوی ،کَج نمای زینبیه

گَلور آهنین سلیمان ،قورولوبدی شور ومستی .... آلا تا قدمــلریـنـدن ،توتـیای زینبیه

صف چَکیبدور اهریمنلر، پوزالار بساط فجری .... آلالار نگـین ملــک، اتــقیـای زینبیه

گویده کَـرسان یاغی ،ایستیور شکاره گلسین ... سـالـالار شَـرار ظلـمه، روشنای زینبیه

پنجۀ عَداوتینده ،پرپر اولــدی گل بوداقی .... قـانه باتدی گیسوان ، بـی نـوای زینبیه

چَـکرم اورکدن آهی ، سویلرم نَـدور الهی .... بو اوشاقلارین گـوناهی، کِـبریای زینبیه

تیـر و ترکشِ غمـیندن ،هَلـه داغلیدور میانه .... نه قـدر دوتولسا کَمدور، گر عزای زینبیه

ساخلیار مدال حقـدور ،اونی سیـنده میانه ..... فخر ائدر نفس لرینده، وار هـوای زینبیه

رهبر کُباریمیزدن ،بیر بویوک بهالی سوزدور .... سنـد دفـاع حقـدور، ماجـرای زینبیه(2)

بوشلا زاهـد عارفانی، آختارورسان عاشقانی .... نظـر اِیـله گـور عُـروج، عرفای زینبیه

یازیلیب کِـلاس عشقین تـختۀ نجـابتینده .... یـوخ طـریق منزلتـده ،انتهـای زینبیه

ای صبا گذر گر ائدسون ،سن دیار عشقه سویله .... هَله دوشمیوب نظـردن، وار بقای زینبیه

سیزه مبتلادی "راضی" شهـدا دوتـون الیندن ... اونی گر حساب ائدورسوز ،آشنای زینبیه