حیف کی منیم طنز هنریم یوخدور یوخسا سهند و سبلان تلویزیونلارینین تورکجه برنامه سی چون چوخ گوزل و گولمه لی طنز لر یازاردیم.اوزللیکله دولتی آدام لارین مصاحبه لرینین باره سینده کی چوخ تعجبلی دانیشیللار.اولارین دئدیکلرین نه اوزلری نه اولاردان سوروشانلار و نه ده اولارا باخانلار باشادوشه بیلیللر. مثلا مصاحبه نی آپاران بیر مسئولدان سوروشور: " به عنوان مسئول امور ... استان نحوه فعالیت در مسائل مربوط به حوزه فعالیتیزی توضیح وئرین" (بورا قدر بیر دانه "...یزی" و بیردانه ده "وئرین " سوزلرین تورکجه ائشیددیک!! ایندی گلین مسئولون جاوابینا:
بنده به عنوان مسئول امور ... استان از زمان آغاز فعالیت نهایت تلاشیمی برای حل مشکلات مردم همیشه در صحنه و قهرمان پرور استان ... ائتمیشم و بو تلاش برای رسیدن مردم استان به استانداردهای بین المللی همچنان ادامه تاپاجاخ. ........ ایندی گلین بو مسئولون تورکجه لرین سایاخ:
1) بیردانه ...یمی 2) بیر دانه "ائتمیشم" 3)بیردانه " بو" و 4) بیر دانه "تاپاجاخ"
(آمما بورا اوز آرامیزدی اگر دوغوردان بئله دئمیش اولسا بو "تاپاجاخ" کلمه سی اوزی بیر مصاحبیه ده یر!!! و بونوچون اوننان تشکر ائتمه لی ییک.)
یوخاریدا دئدیگیمیز مصاحبه ایکی ساعات زامان آپاریر و اگر سایا بیلساخ دئمک اون یا داش چاتداسا اون بئش دانه ترکجه سوزی بو ایکی ساعاتدا بو مسئولون موبارک آغزیننان چیخیر و بئله لیکله آد آپاردیغیمیز شبکه لرین تورکجه دیلینده یاییلان برنامه لری هم باشا چاتیر هم ده هدفه!
دیل آجی نین یئری بوش!
